Laai...

Laerskool Horison beskik oor 'n pragtige mediasentrum. Daar is Junior-, Senior-, Naslaan- en Onderwys naslaan afdelings beskikbaar. Die mediasentrum beskik oor ongeveer 6000 boeke asook 'n groot verskeidenheid prente, video’s en DVD's. Twee TV-stelle met DVD- en videospelers is beskikbaar om die materiaal te vertoon.


Inligting

  • Graad 1 tot Graad 3 leerders besoek die mediasentrum in klasverband een keer elke tweede week, waartydens die leerders geleentheid kry om boeke uit te neem.

    Graad 4 tot Graad 7 leerders word die geleentheid gebied om op Dinsdae, en Donderdae tydens eerste pouse boeke uit te neem. Daar sal medialeiers wees wat leerders kan help om boeke uit te neem.

    Ons mediasentrum is ʼn fantastiese manier om lees te bevorder en bied die geleentheid om van ander hulpbronne gebruik te maak tydens leer.

    Die skool is bevoorreg om ook oor 'n DSTV-stelsel te beskik en leerders asook personeel het toegang tot sekere DSTV-kanale. 'n Digitale projektor (groot skerm) word ook aangewend met spesiale gebeure.