Kommunikasie tussen Laerskool Horison en ons ouers is van kritieke belang om te verseker dat almal ‘n duidelike begrip het van wat aangaan by die skool en wat gedoen moet word. Dit is belangrik dat ouers ingesluit en betrokke voel by die skool. Hier is ons 4 nuutse omsendbriewe sodat u as ouer altyd op hoogte is en bly met wat by die skool gebeur. Vir enige briewe wat u dalk gemis het of enige ander inligting kontak ons gerus by hoof@horison.co.za of 011 763 5617 | 011 763 5618

Ons sien daarna uit om saam te werk in belang van ons leerders. Vind hier die benodighede per graad vir u gerief. Ons sal dit baie waardeer as u kind hierdie items beskikbaar sal hê en dit sal hoog op prys gestel word indien alle items sowel as hulle skooldrag gemerk kan word om probleme te voorkom met verlore goedere. As daar enige onduidelikheid is kan u ons gerus kontak by hoof@horison.co.za of 011 763 5617 | 011 763 5618 en ons sal u graag help.

Die verpligte skoolfonds vir 2024, soos deur die ouers goedgekeur tydens die ouerbegrotingsvergadering , is vasgestel op R19 869 per leerder per jaar.

Die skoolfonds is vooruit betaalbaar en wel voor of op die eerste skooldag van 2024. Die skool verskaf nie dienste op krediet nie, maar maak wel voorsiening vir die afbetaling van skoolfonds soos uiteengesit in aanhangsel “A”.

Ten einde die fnansiële bestuur van die skool te vergemaklik, word u versoek om van die debietorderstelsel gebruik te maak.

‘n Bedrag van R1 000.00 per leerder, synde ‘n gedeelte van die jaarlikse skoolfonds, as kurrikulêre fooi, is betaalbaar gedurende November 2023 in die skool se rekening. Indien die skoolfonds voor of teen einde Februarie 2024 ten volle vereffen word, sal ‘n korting van 10% (R1 986.90) toegestaan word en daarna 5% korting voor of teen einde Maart.

‘n Korting van 40% (na betaling van die kurrikulêre fooi) word vir ‘n derde kind in die gesin se skoolfonds toegestaan.

Fooi vir 2024 is R10 200 per kind. ʼn Inskrywingsfooi van R100.00 per kind is betaalbaar met inskrywing.

Tydens skoolvakansies word ʼn addisionele bedrag van R30.00 per dag gehef (bo en behalwe die gewone maandelikse fooi wat bereken is vir bykomende tyd wat ons tydens vakansies na die kinders omsien).

Die Naskool Studiesentrum het ‘n aparte bankrekening waarin die fooie betaal word en word dus nie saam met skoolfonds in die skool se bankrekening inbetaal nie.

SO WERK DIT

Die snoepie is daagliks oop van 07:00 tot 16:00 en werk op ‘n bestellings rëeling wat voorkom dat leerders nie met onnodige kontant rond loop nie. Soos wat die bestellings ontvang word by die Snoepie word die kos vars voorberei vir pouse. Die snoepie beskik oor ‘n kaartfasaliteit.

HIER IS DIE REËLINGS VIR BESTELLINGS

SNOEPIE TYDENS GELEENTHEDE

Tydens sportgeleenthede en buitemuurse aktiwiteite word aanpassings gemaak ten opsigte van tye en sal dan later oopbly indien nodig. ‘n Kaartmasjien sal ook beskikbaar wees tydens groot geleenthede.