Die Juniorkoor van Laerskool Horison is die Hartewenkoor van die skool. Talentvolle leerders vanaf Gr.R tot en met Gr.3 het die voorreg om lede van die koor te wees.

Optredes word gehou by ouetehuise | kerkdienste | koorfeeste | kustefeeste | kunswedstryde. Daar is ook deelname aan die Roodepoortse Kunswedstryd en koorfeeste. Gereelde Laerskool Horison wenners word aangewys by Kunswedstryde op wie ons baie trots is. Ons het al optredes saam met verskeie bekende sangers gehad en saam met bekende kunstenaars opgetree o.a. Jac de Priester, Pieter Smith, Andriette Norman, Arno Jordaan, Willem Botha, Izak Davel en Dewald Wasserval.

Die Juniorkoor het gereelde optredes by eredienste van verskillende gemeentes in die skool se omgewing en neem ook deel aan Kersprogramme, Revue en ander feesvieringe. Ons benut geleenthede om by ouetehuise op te tree en koorlede gebruik hul talente om ook daar vreugde by bejaardes te bring. Die huidige begeleier is Me. Elma Niewenhuisen.

TYDPERK Januarie – November

OEFENTYE Woensdae 15:15 – 16:45

PLEK Skoolsaal

Die koor is in 1972 gestig. Die koor was die eerste skoolkoor wat ‘n oorkonde ontvang het van die Burgemeester van Roodepoort en ook die eerste laerskoolkoor wat in Die Staatsteater in Pretoria opgetree het.

Die koor bestaan uit Graad 4-7 leerders en die repertorium bestaan uit een-, twee- en driestemmige koormusiek. Optredes word gehou by kunstefeeste, kerkdienste, koorfeeste, kunswedstryde, o.a. Roodepoortse Afrikaanse Kunswedstryd (RAK). Laerskool Horison het al baie prestasies behaal en was in die finaal “Sing in Harmonie”. Ons het ook al optredes saam met verskeie bekende sangers o.a. Izak Davel, Rina Hugo, Jac de Priester, Pieter Koen en Joe Foster gehad.

Koorkampe word soms gereël. Die koor beywer hom om ‘n hoë koorstandaard te handhaaf, maar ook ‘n genotvolle atmosfeer daar te stel. Die huidige koorleier is Mnr. Janus Venter.

TYDPERK Januarie – Oktober

OEFENTYE Woensdae 15:30 – 17:00

PLEK Skoolsaal

Ons skool se redenaars bied ‘n platform aan om sprekers te ontwikkel en neem deel aan verskeie kompetisies. ATKV-Deelname vanaf Gr. 1 -7

Interne Redenaarsuitdunne gee aan alle leerders die geleentheid om in graadverband deel te neem. Sê-Jou-Sê Kletsdag is ʼn informele platform vir Gr. 1-3 leerders om hul praatvaardighede te ontwikkel. Kursusse en werkswinkels word vir ouers en leerders aangebied om die skryf van toesprake te bemeester. Deelname aan redenaarsfeeste op uitnodiging.  Laerskool Horison organiseer die prestige kompetisie SUPERREEKS. Redenaars bevorder en ontwikkel praatvaardighede en om voor ʼn gehoor op te tree.

OEFENTYE Individuele oefentye op Maandae, Woensdae en Vrydae

Gr.R tot Gr.7 leerders neem jaarliks deel aan die Roodepoortse Afrikaanse Kunswedstryd (RAK). Dit word jaarliks afgewissel tussen Uitvoerende Kunste soos SANG | DRAMA | VOORDRAG | SPREEKKORE | KREATIEWE KUNS | SKILDER | TEKEN | MODELLEER

Laerskool Horison het in 2015 “Oeboentoe” in die Fairlands NG Kerk opgevoer. Dit was die eerste Musiekblyspel. In September 2017 is “Flenterkoning” opgevoer in Horison Laerskool se saal. In 2019 het ons eie personeel ‘n produksie geskryf, “Horie dis ‘n Storie” en dit is in September 2019 opgevoer.