Ons is baie trots op die atletiekprestasies wat ons jaarliks behaal. Ons atlete word geslyp deur gemotiveerde skool- sowel as buiteafrigters. Horison kan met trots spog dat verskeie leerders ons jaarliks verteenwoordig by die Gauteng Kampioenskappe en selfs by die SA-Kampioenskappe.

Die afrigterskorps van Laerskool Horison glo dat rugby ‘n sportsoort is wat positiewe energie by leerders ontwikkel en terselfdertyd hulle emosioneel en fisies sterk maak. Rugby is ʼn sport waar seuns van respek, spanwerk, karakterbou, konsentrasie, kompetisie en genot kan leer. Ons streef daarna om die seuns maksimaal betrokke te kry en geleentheid te bied om met die bal te speel en om sy individuele vaardighede te ontwikkel.

Laerskool Horison bied ons dogters die geleentheid om in die veld van netbal te ontwikkel, presteer en ‘n liefde vir die sport te kweek. Netbal word aangebied vanaf Graad R tot Graad 7, waarvan daar 10 Mini-netbalspanne [onder 6 tot 9] en 9 spanne [onder 10 tot 13] is.

Ons neem in die Julievakansie met ons o/11- en 1ste spanne deel aan die Superreeks wat by Jubaweni plaasvind. Dit dien as uitstekende voorbereiding vir die liga wat in die derde kwartaal plaasvind. Laerskool Horison speel in die Superliga krieket. Ons speel hardebalkrieket van o/8  – vlak. o/6 en o/7 leerders neem deel aan mini-krieket.

Laerskool Horison bied ons dogters geleentheid om aan hokkie deel te neem vanaf `n baie vroeë ouderdom om sodoende vaardighede te ontwikkel en `n liefde vir die sport te kweek. Hokkie word aangebied vanaf Graad R – Graad 7, waarvan daar 12 mini-hokkiespanne [o/6-o/9], en 6 spanne [o/10 – o/13] is.

Ons poog om ‘n o/11 en o/13 span in te skryf in 2022 liga.

Een o/11 span het in 2018 tweede geeïndig in D12.
Laerskool Horison lewer jaarliks ‘n paar D12 spelers op waarop ons baie trots is.
‘n Buite afrigter word gebruik wat lesse by die skool aanbied.

Laerskool Horison het ‘n aktiewe landloop program. Die atlete begin jaarliks na afloop van die rugby- en netbalseisoen oefen vir die landloopseisoen wat tydens die derde kwartaal plaasvind. Daar is geen beperking op die aantal atlete wat aan die byeenkomste mag deelneem nie en enige leerling wat belangstel is welkom om saam te kom oefen. Ons het jaarliks ‘n groep wat fluks kom saam oefen en aan die byeenkomste deelneem.

Alle leerders van alle ourderdomme is welkom by die skaakoefeninge Vrydagmiddae om 13h00 tot 14h00 in kamer 40 by te woon.

Drie ligaspanne: o/9 (Gr.1, 2, 3) | o/11 (Gr.4 en Gr.5) | o/13 (Gr.6 en Gr.7)

Klik op die Aktiwiteite Buite Skoolverband knoppie om al die aktiwiteite, kontak persoon/persone en kontak besonderhede te sien. Hierdie aktiwiteite word deur privaat persone aangebied en is nie deel van die skool nie. Dit word dus nie in die skoolfooie ingesluit nie. Fooie is direk betaalbaar aan afrigters. Skoolaktiwiteite soos netbal, hokkie, krieket en Tau – rugby kry egter voorkeur.